"Мектепке жол"

Қайырымдылық – жүректен шыққан ізгі амал
«Қарабұлақ орта мектеп-бақшасы» КММ-де дәстүрге айналған «Мектепке жол» республикалық акциясы «Балаларға бірге көмек берейік!» ұранымен жалғасын тауып аталмыш акциясы аясында әлеуметтік жағынан осал, көпбалалы және қамқорлықты қажет ететін отбасылардан шыққан оқушыларға жан-жақты көмек көрсетілуде.
Аталмыш игі шараға белсене қатысып, шынайы жанашырлықтың жарқын үлгісін көрсеткен Депутат Диқамбаев Ерасыл Құрамбайұлына зор алғысымызды білдіреміз. Ол мектептегі бірнеше оқушыға спорттық киімдер мен аяқ киімдер сыйға тарту арқылы балалардың жаңа оқу жылын көтеріңкі көңіл күймен бастауларына үлкен қолдау көрсетті.
Бұл көмек тек материалдық қолдау емес, ең алдымен баланың өзіне деген сенімін арттырып, оқуға деген ынтасын оятады. Оқушылар өздеріне жасалған қамқорлықты сезініп, қоғамда мейірімділік пен жақсылықтың бар екенін түсінеді.
Мектеп әкімшілігі, ата-аналар және оқушылар атынан Диқамбаев Ерасыл Құрамбайұлына шын жүректен алғысымызды білдіреміз!
Сіздің қолдауыңыз – ұрпақ болашағына қосылған сүбелі үлес. Жас ұрпаққа жасаған қамқорлығыңыз қайырлы болсын!